Salyanda Korrupsiyaya Qarşı Mübarizə Şurası yaradılıb. Şuranı Korrupsiyaya Qarşı Mübarizə Fondu və Azərbaycanda Vətəndaş Cəmiyyətinin İnkişafına Yardım Assosiasiyası birikdə təsis edib.
Korrupsiyaya Qarşı Mübarizə Şurası Salyan rayonunda ayrı-ayrı sahələr üzrə korrupsiyanın səviyyəsini öyrənmək üçün yerli əhali arasında araşdırmalar aparacaq, bu sahədə müxtəlif maarifləndirmə tədbirləri həyata keçirəcəkdir.
Yaxın vaxtlarda belə şuraların Sumqayıt, Gəncə və Göyçay şəhərlərində də təsis edilməsi nəzərdə tutulur.