Yeni qanlı döyüşlər, yeni girovlar, yeni prezident (Ukrayna xronikası 28 may-1iyun )
Mayın 29-da Slavyanskda separatçılar Ukrayna vertolyotunu vurublar, 1 general və 13 Ukrayna hərbçisinin öldüyü bildirilir.
Donbassda müharibə davam edir. Ukrayna ordusu mobil yaraqlı separatçı qrupları ilə gündəlik döyüşlər aparsa da, üstünlük əldən-ələ keçir
Ağır döyüşlər mərkəzinin coğrafiyası da hər gün dəyişir, mayın 27-də Donetsk, mayın 28-də Luqansk, mayın 29-da Slavyansk.
Sayı gündən-günə artan ölən və yaralananlarla yanaşı girov girov götürülənlər haqda da xəbərlər gəlir. Regionda 8 ATƏT müşahidəçisinin yoxa çıxdığı bildirilir.
Ukrayna xəbərləri Canlı Bloq-da daim yeniləndiyindən sonuncu məlumat mətnin əvvəlindədir. «Davamı» düyməsini sıxmaqla bloqu vərəqləmək olar.
Mayın 26-da Ukrayna təhlükəsizlik qüvvələri separatçıları Donetsk aeroportundan sıxışdırandan sonra onları təqib etməyə davam edirlər. Şəhərdə olan Qərb jurnalistləri döyüşlərin aeroportdan şəhər mərkəzinə tərəf hərəkət etdiyindən danışırlar. AzadliqRadiosu Rus xidmət xəbər verir ki, vertolyotlardan Donetsk sakinlərinə vərəqələr səpələnib. Vərəqələrdə imkan daxilində xüsusilə uşaqlara evdə qalmaq məsləhət görülür. Hadisələrin gedişi haqda CanlıBloqumuzda son xəbərləri izləməyi unutma
19:0626.5.2014
DONETSK AEROPORTU UĞRUNDA DÖYÜŞLƏR
Mayın 26-da Rusiyameylli yaraqlılar Donetsk şəhərinin hava limanını ələ keçirəndən sonra, Ukrayna ordusu strateji əhəmiyyət kəsb edən aeroportu geri qaytarmağa cəhd göstərir, bu zaman hərbi vertolyotlardan istifadə edir.
18:5326.5.2014
DONETSK HAVA LİMANINI ƏLƏ KEÇİRƏN HƏRBÇİLƏR
Fotoqalereya
Donetsk beynəlxalq hava limanına yaraqlılar nəzarət edir
Mayın 26-da səhər tezdən bir qrup silahlı hava limanına gələrək burda keşik çəkən əsgərlərə hava limanını tərk etməyi əmr edib. Şahidlər qısa atışmadan sonra yaraqlıların hava limanını ələ keçirdiklərini deyirlər. Donetsk hava limanında çəkilmiş son fotolar.
