-
İyunun 11-də Azadlıq Radiosunun mədəniyyət portalı olan oxuzali.az-da keçirilən «Ədəbi Azadlıq – 2014» müsabiqəsinin qalibləri açıqlanıb.
Şeir nominasiyasında mükafatları Rüfət Əhmədzadə (1-ci yer), Aqşin Evrən (2-ci yer), eləcə də Nigar An, Esmira Məhiqızı və Vəfa Nağı (3-cü yerlər) qazanıblar.
Hekayə nominasiyasında Şəhriyar del Gerani (“Bizim olan heç nə” hekayəsi) qalib seçilib.
Münsiflər heyəti 2-ci yerə İlham Əkbərli ("Müasir dünyamızda intiharın inkişaf yolu və M.D.İ" hekayəsi) layiq bilib.
3-cü yerləri isə Yaşar Bünyad, Jalə Əsgərova və Nahid qazanıblar.
Tədbir iştirakçılarına «Ədəbi Azadlıq» Müsabiqəsinin seçmə şeir və hekayələrindən ibarət kitablar paylanıb.
