2 nəfər zəhərlənib
Klinik Tibbi Mərkəzin toksikologiya şöbəsindən AzadlıqRadiosuna bildiriblər ki, yanğın nəticəsində 2 nəfər tüstüdən zəhərlənmə diaqnozu ilə xəstəxanaya çatdırılıb.
Səhiyyə Nazirliyi: Bakıda binada baş verən yanğında iki nəfər ölüb
Bakıda binada yanğın baş verməsi nəticəsində iki nəfər ölüb.
Ölənlərin şəxsiyyəti dəqiqləşdirilir.
Səhiyyə Nazirliyinin mətbuat xidmətindən AzadlıqRadiosuna verilən məlumata görə, ölənlərdən biri qorxudan özünü binadan atan şəxs, digəri isə azyaşlıdır.
Azyaşlı tüstüdən boğularaq ölüb.
Ölənlərin kimliyi dəqiqləşdirilir. Hadisə nəticəsində xəsarət alanların sayı isə 15-i ötüb.
Hazırda yanğının qarşısının alınması istiqamətində tədbirlər davam etdirilir.
Binadan yanğın yenidən güclənib
AzadlıqRadiosunun əməkdaşı məlumat verir ki, yanğın söndürmək üçün vertalyotlar cəlb edilib. Su maşınları könüllü olaraq yanğın söndürən maşınlara su yardımı edir. Ərazidə 20-yə yaxın yanğın söndürmə xidməti var. İnsanların dediyinə görə binada şəxslər qalıb
Zakir Qaralov: "Bakıda baş verən yanğında 4 nəfər ölüb"
Bakının Binəqədi rayonunda baş verən yanğında 4 nəfər ölüb. “Report”un xəbərinə görə, bu barədə jurnalistlərə açıqlamasında baş prokuror Zakir Qaralov məlumat verib.
O, yaralıların olduğunu da bildirib.
Yaralıların dəqiq sayı bilinmir.