Avqustun 20-də Mingəçevir şəhər Polis Şöbəsində ölüm hadisəsi baş verib.
Şöbəyə çağırılan 27 yaşlı köhnə Mingəçevir kənd sakini Bəhruz Hacıyevin bir müddətdən sonra ölüm xəbəri gəlib.
Onun ölümü kənd sakinlərinin qəzəbinə səbəb olub və qohumları ilə yerli polis arasında qarşıdurma yaranıb.
Kənd sakinləri deyir ki, onu polis bölməsinə aparanlar öldürüb.
Baş Prokurorluğun Ağır Cinayətlərə dair İşlər Üzrə İstintaq İdarəsinin mühüm işlər üzrə böyük müstəntiqi Qurban Səfərov Mingəçevir kəndində olub, mərhumun yaxınları ilə görüşüb.
Bu barədə AzadlıqRadiosununun hadisə yerində olan müxbiri xəbər verir.
Müstəntiq bildirib ki, faktla bağlı cinayət işi açılıb və hazırda istintaq gedir.
O bildirib ki, baş prokurorluğun mətbuat xidməti istintaqın nəticələri barədə ictimaiyyətə açıqlama verəcək.
Faktla bağlı cinayət işi açılmasını AzadlıqRadiosuna Daxili İşlər nazirliyi mətbuat xidmətinin rəis müavini Ehsan Zahidov da təsdiqləyib.
O bildirib ki, ölümün səbəbi istantaq zamanı müəyyənləşəcək.
AzadlıqRadiosu Mingəçevirdən canlı yayım edir
Mingəçevirdə polis idarəsində gəncin ölümünə etiraz olaraq sakinlərin Mingəçevir kəndində polis idarəsinin qarşısında keçirdikləri etiraz aksiyasından canlı yayım.
Aydın Mirzəzadə Mingəçevirdə baş verənləri şərh etmək istəmir
Mingəçevirdən millət vəkili seçilən deputat Aydın Mirzəzadə baş verən hadisəni AzadlıqRadiosuna şərh etməkdən imtina edib.
Mingəçevirdə polislə qarşıdurma olub
Avqustun 20-də Mingəçevir şəhər Polis Şöbəsində ölüm hadisəsi olub. Şöbəyə çağırılan 27 yaşlı Bəhruz Hacıyevin bir müddətdən sonra ölüm xəbəri gəlib.