«Gələcək çempionlara uduzduq»

İslandiya yığmasının hücumçusu Kolbeinn Sigthórsson Fransaya məğlubiyyətdən sonra komandasının turnirin gələcək qalibinə uduzduğunu deyib.

UEFA-nın saytı Sigthórsson-un bu açıqlamasını yayıb: «Mübarizəni dayandırmağımız təəssüf doğurur. Ancaq bu turnirdə etdiklərimizlə, eləcə də bizi ürəkdən dəstəkləyən azarkeşlərimiz ilə qürur duyuruq. Bir bu atmosferə baxın – gözəllikdir. Düşünürəm ki, gələcək Avropa çempionlarına qarşı oynadıq. Fransızlar oyunu parlaq keçirdi. Bəlkə də müdafiədə lazım olan kimi oynamadıq. Ancaq ikinci hissədə oyuna döndük və qol vura bildiyimizi göstərdik.

Xarakter göstərdiyinə görə komandamıza təşəkkür düşür. İkinci hissəni uda biləcəyimizi göstərmək istəyirdik və bunu bacardıq».