Almaniya sığınacağı kimə verir?
Hələlik ən yaxşı şansa suriyalılar malikdirlər. 2014-cü ildə Almaniyadan sığınacaq istəmiş 26 min qaçqından yalnız bir faizinə rədd cavabı verilib. Əslində, Almaniya Avropa İttifaqı ölkələri arasında suriyalılara ən geniş qucaq açmış ölkədir. Suriyada 4 illik müharibə artıq 240 min insanın həyatına son qoyub. Suriyalıların 4 milyonu qaçqına çevrilib.
Vəkil jurnalistin qətlinin istintaqından narazıdır
Vəkil Əshabəli Mustafayev jurnalist Rasim Əliyevin qətlinin istintaqının gedişindən narazıdır. Onun fikrincə, istintaq ağır bədən xəsarətləri yetirilməsi maddəsi ilə aparılır, halbuki burda qəsdən adam öldürmə cinayətinin əlamətləri var.Futbolçu Cavid Hüseynova qarşı ittiham - bilib, məlumat verməməkdir, halbuki burda cinayətə təhrik eləməyin əlamətləri var. Bundan başqa, vəkilin sözlərinə görə, istintaq səhlənkarlıq edən həkimlərlə bağlı nə edir? - bilinmir, bircə o məlumdur ki, səhiyyə nazirliyi nəzdində araşdırma aparılır.
Ancaq Ə.Mustafayev AzadlıqLive-a onu da deyir ki, istintaqın gedişində ittiham maddələri dəyişə də bilər, bu, tamamilə mümkündür.
Vəkil həmçinin bildirir ki, bu qətlin ictimaiyyətin diqqətində olması istintaqın obyektiv aparılacağına ümid verir.
Obama uşaqlarla rəqs etdi
Barak Obama üç günlüyə Alyaskaya səfər edib. O səfər zamanı yerli məktəbə baş çəkib və orada uşaqlarla rəqs edib.
Azərbaycanda ilk dəfə "Erməni dili" kitabı çıxıb
Azərbaycanda ilk dəfə "Erməni dili" kitabı nəşr olunub. Bu, dərs vəsaitidir və 4 hissədən ibarətdir.
