Səs vermə üçün növbələr
Ohayo ştatında seçki məntəqəsi açılmamış 150 nəfərlik növbə yaranıb
Hillary Clinton insanların səs verməyə can atdığını belə izah edib ki, həddən çox adam bu günki seçkilərin nəticələrini hesablayır.
Trumpa qarşı 100 nəfərlik kütlə
Nyu Yorkda səs verməyə gələrkən Donald Trumpı azı 100 nəfərlik kütlə qarşılayıb. Onlar Trumpa qışqırırdılar ki, "Nyu York sizə nifrət edir"
Trumpdan jurnalistlər soruşub ki, Clinton qalib olsa, seçkilərin nəticələrini tanıyacaqmı? Trump cavab verib ki, "baxıb, görərik"
Obama :"Nə qədər ki, Amerika xalqı səs verəcək, biz yaxşı işləyəcəyik"
Hillary Clintonu dəstəkləyən ABŞ prezidenti Barack Obama da səs verib. O, Clintonun qələbə çalacağına inandığını deyib. Obama bildirib ki, " nə qədər ki, Amerika xalqı səs verir, biz həmişə yaxşı işləyəcəyik".
Donald Trump isə Nevada ştatında ilk iddiasını qaldırıb. İddiaya görə, ispandillilər olan dairədə seçki rəsmiləri erkən seçki vaxtı - noyabrın 4-də məntəqə bağlanandan sonra səs vermə növbəsinə durmağa icazə veriblər.
Nevada qanununa görə, axşam saat 8-də seçki məntəqəsi bağlanan vaxt növbədə kim varsa, səs verə bilər.
İlk nəticələr 6 ştatdan başlayacaq
Prezident seçkisinin ilk nəticələri - 6 ştatda ilkin nəticələr Washington D.C. vaxtı ilə axşam saat 7-dən sonra (Bakı vaxtı ilə noyabrın 9-u səhər saat 4-dən sonra) bilinəcək.
Bu ştatlar Corciya, Cənubi Karolina, Virciniya, Vermont, Kentukki və İndianadır.