Ukraynanın şərqində separatçı referendumları

Naməlum adamlar Mariupol şəhər sovetinin binası yaxınlığında dayanan piyadaların döyüşü maşınına (BMP) «Molotov kokteyli» ataraq onu yandırıblar.

Həmin BMP-ni separatçılar dünən ələ keçirmişdilər.

Donetsk vilayətinin Mariupol şəhərində Ukrayna hüquq-mühafizə qüvvələri hərbi texnikalarla separatçılara qarşı əməliyyat keçirirlər.

AzadliqRadiosu Rusiya xidməti Donbass mediasına istinadən xəbər verir ki, Donetsk şəhərinin Budenovsk rayonunda yerləşən "Şaxtyorskie Zori" sanatarotiyası Kamaz maşınlarında gələn naməlum şəxslər tərindən mühasirəyə alınıb. Şahidlər deyir ki, yaraqlılar yeni dəstələri əraziyə gəlməkdə davam edir, atəş səsləri eşidilir. Sanatoriyada daxili qoşunlarının 120 nəfərlik dəstəsinin yerləşdiyi bildirilir. Qeyd olunur ki, yaraqlıların daha bir dəstəsi separatçılara kömək üçün Mariupola üz tutub. Donetskdən təqribən 120 km aralıda yerləşən bu şəhərdə gün ərzində hökumət qoşunları ilə separatçılar arasında aöır döyüşlərdə müxtəlif mənbələrlə əsasən, 3-dən 20-dək adam həlak olub.

Radiomuzun Ukrayna xidmətinin məlumatına əsasən 200-ə yaxın adam sanatoriyanı mühasirəyə alıb. Georgi lentləri taxan bu adamlar iddia edirlər ki, içəridəkilər "Sağ sektor" təşkilatının üzvləridilər.

Mariupolda ağır döyüşlrin nadir görüntüləri