Sürücülər Yol Polisini «day-day»ları ilə danışdıra bilməyəcəklər

Foto: Arxiv

Yol Polisi (DYP) inspektorlarına qayda pozan sürücülərin təkidi ilə telefonla danışmamaq barədə tapşırıq verilib.

Bu barədə DYP-nin Yol Patrul Xidmətinin rəisi Ərəstun Məcidov bildirib.

Ə.Məcidov deyir ki, bəzi sürücülər yol hərəkəti haqqında qanunun tələblərini pozur, DYP əməkdaşı onu saxladıqda həmin şəxslər müxtəlif insanlara zəng vurur:

«Həmin sürücülər bu yolla DYP inspektorlarının işinə mane olur və polis əməkdaşından «day-day»ları ilə danışmasını tələb edir. Baş verə biləcək neqativ halların aradan qaldırılması üçün DYP inspektorlarına bu kimi hallarda telefonla danışmamaq barədə göstəriş verilib». /lent.az/