Vidadi Məmmədova
Ömründə bir dəfə darıxmayanlar,
Ömründə bir dəfə ağlamayanlar,
Əl çəkin yaxamdan!
Buraxın məni!
Buraxın deyirəm, buraxın məni!
Düşüb kənd yoluna çıxıb gedirəm,
Baş alıb gedirəm pay-piyada.
Üfüqə uzanan bu kənd yolunda
Atamın izləri pay-piyada,
Anamın gözləri pay-piyada, -
Yol verin, yol verin, çıxıb gedirəm!
Çəkilin ağaclar
Bu kənd yolunun kənarlarına,
Yol boyu düzülür - mənimlə gedir pay-piyada.
Düşüb kən yolunun boz palçığına,
Yalın ayaqlarım - pay-piyada.
Pay-piyada
Düşüb kənd yoluna yuxulu başım.
Düşüb kənd yoluna pay-piyada, hara gedirəm?
Düşüb kənd yoluna arxamca gəlir
Fatma qarının bircə nəvəsi,
pay-piyada...
1970
Ömründə bir dəfə darıxmayanlar,
Ömründə bir dəfə ağlamayanlar,
Əl çəkin yaxamdan!
Buraxın məni!
Buraxın deyirəm, buraxın məni!
Düşüb kənd yoluna çıxıb gedirəm,
Baş alıb gedirəm pay-piyada.
Üfüqə uzanan bu kənd yolunda
Atamın izləri pay-piyada,
Anamın gözləri pay-piyada, -
Yol verin, yol verin, çıxıb gedirəm!
Çəkilin ağaclar
Bu kənd yolunun kənarlarına,
Yol boyu düzülür - mənimlə gedir pay-piyada.
Düşüb kən yolunun boz palçığına,
Yalın ayaqlarım - pay-piyada.
Pay-piyada
Düşüb kənd yoluna yuxulu başım.
Düşüb kənd yoluna pay-piyada, hara gedirəm?
Düşüb kənd yoluna arxamca gəlir
Fatma qarının bircə nəvəsi,
pay-piyada...
1970