Mayın 8-də Ermənistan Silahlı Qüvvələrinin Şuşa şəhərini işğal etməsindən 20 il keçir.
Bununla əlaqədar Fəxri Xiyabanda ənənəvi olaraq anım mərasimi keçirilir. Qarabağ icmasının rəhbərliyi, elm, mədəniyyət xadimləri, ziyalılar, eləcə də işğal olunmuş ərazilərin sakinləri anımda iştirak edirlər.
Şuşanın işğalı zamanı 480 nəfər günahsız insan qətlə yetirilib, 600 nəfər yaralanıb, 150 nəfər əlil olub, 25 minə yaxın insan məcburi köçkünə çevrilib.
XVIII əsrdə Qarabağ xanı Pənahəli xan tərəfindən əsası qoyulan Şuşa 1992-ci il mayın 8-də işğal olunub.
Şuşanın ələ keçirilməsi ilə Dağlıq Qarabağın işğalı başa çatıb. Ümumilikdə şəhərin işğalı nəticəsində Azərbaycanın 289 kvadrat kilometr ərazisi ermənilərin nəzarətinə keçib.
