Gənc şair Elmar Şahmar, Təbrizdə yaşayan yazar Rüqəyyə Kəbiri, romançılar Nərmin Kamal və Məqsəd Nur Azadlıq Radiosunun mədəniyyət portalı olan oxuzalı.az saytında keçirilən “Ədəbi Azadlıq-2012” Milli Müsabiqəsinin qalibləridir.
İyunun 1-də Azad Fikir Universitetində keçirilən mükafatlandırma mərasimində müsabiqənin şeir, hekayə və roman nominasiyaları üzrə mükafatçıları bəlli oldu.
Şeir:
1-ci yer – Elmar Şahmar. "Sevgiyə elegiya", "Bağışla"
2-ci yer – Dilqəm Əhməd. "Kabuldan-Bakıya sevgi metamorfozu"
3-cü yerlər – Şəhriyar del Gerani. "Sonuncu sevgi"
və Balayar Sadiq. "Həsrətin rəngləri", "Unudulmuş sətirlər"
Hekayə:
1-ci yer – Rüqəyyə Kəbiri. "Mavayıl"
2-ci yer – Azər Həsənli. "Şrödingerin qara pişiyi"
3-cü yerlər – Anar Mahmudov. "Yutub" və Sevda Sultanova. "Tarkovski"
“Gənc romançı” mükafatı qalibləri:
Nərmin Kamal. "Aç, mənəm" romanı
Məqsəd Nur. "Şəhər meri" romanı
Mükafatlandırma mərasimində “Ədəbi Azadlıq-2012” Milli Müsabiqəsinin münsiflərindən
Təşkilatçılar və qaliblər
az, ya çox bal almış bütün müəlliflərin şeir və hekayələrinin toplandığı kitab da təqdim edilib.
Bundan başqa “Oxu zalı”nın seçimi seriyasında növbəti kitab – Cavidanın şeir və hekayələr kitabı (60 hekayə və 44 yazarın şeirlərindən ibarət) da təqdim olunub.
Mərasimdə müsabiqənin münsiflərinin kim olduğu da açıqlanıb.
Şeir nominasiyasında: tənqidçilər İradə Musayeva, Cavanşir Yusifli, şair, nasir Pərviz Cəbrayıl, 525-ci qəzetin baş redaktorunun mədəniyyət, ədəbiyyat üzrə müavini Seyfəddin Hüseynli.
Hekayə nominasiyasında 5 münsif olub: adıçəkilən şəxslər və tənqidçi Tehran Əlişanoğlu.
Roman nominasiyasında münsiflər: tənqidçilər İradə Musayeva, Elnarə Tofiqqızı, Cavanşir Yusifli, Tehran Əlişanoğlu və “Oxu zalı”nın redaktoru Rövşən Qəmbərov.
Bu ilki müsabiqə 2010 və 2011-ci illərdə “Ədəbi Azadlıq”ın münsiflərindən olmuş görkəmli yazıçı, mərhum Rafiq Tağının xatirəsinə həsr edilib.
Mükafatlandırma mərasimindən daha ətraflı material, şəkillər və videolar tezliklə oxuzalı.az-da!
"Ədəbi Azadlıq" müsabiqəsinin mükafat və prizləri
Hekayə nominasiyasının qalibi Rüqəyyə Kəbiri
Ayaq üstə - Müsabiqənin münsiflərindən olan Pərviz Cəbrayıl
Müsabiqənin münsiflərindən olan Seyfəddin Hüseynli
Şeir nominasiyasının qalibi Elmar Şahmar
Ön sırada Rasim Qaraca və Nərmin Kamal
Ön planda müsabiqənin münsiflərindən olan tənqidçi Tehran Əlişanoğlu
"Ədəbi Azadlıq-2012" müsabiqəsinin kitabı və "Oxu zalı"nın seçimi seriyasından Cavidanın şeir və hekayələr kitabı