Ukraynanın hökumət qoşunları Donetsk hava limanındakı yeni terminalından geri çəkilib.
Bu barədə Ukrayna ordusunun sözçüsü Vladyslav Seleznyov xəbər verir.
Hava limanı demək olar ki, tamamilə dağıdılıb.
Yanvarın 21-də Berlində tərəflər ağır silahların demarkasiya xəttindən 15 kilometr geri çəkilməsi barədə razılıq əldə ediblər.
Hansı ki, bu hələ ötən il əldə olunmuş Minsk sazişində nəzərdə tutulur.
Amma atəşkəs rejimi vaxtaşırı pozulduğundan bu mümkün olmurdu.