Nyu-York birjasında neftin qiyməti son 6 il ərzində ən aşağı həddə düşüb.
Neftin bareli 4 faizdən də çox düşərək 40 dollar 80 sent olub.
Analitiklər bunu ABŞ-da neft ehtiyatlarının kəskin artması ilə izah edirlər.
Dünya bazarında neftin qiyməti iyundan 30 faiz düşüb.
Buna baxmayaraq istehsalçılar Yaxın Şərq və Afrikada neft istehsalı artırırlar.
“Citigroup” analitik korporasiyasının avqustun 19-da yaydığı proqnoza görə, Qərbi Texas neftinin bareli 32 dollara düşə bilər.