-
Qayıqla Yunanıstana getməyə çalışan 17 qaçqın Türkiyə sahillərində batıb.
Türkiyə mediası sentyabrın 27-də yazıb ki, hamısının suriyalı olduğu güman edilən qaçqınlardan beşi qadın, beşi uşaq idi.
Xilasedici jilet geyinmiş 20 nəfər isə qəzadan salamat çıxıb.
Bu il Avropaya 500 min miqrant və qaçqın gedib. Onlardan çoxu Aralıq dənizindən, təhlükəli qayıqlarla keçib.
Qaçqınlar daha sonra Balkanlarda quru səyahətinə çıxır, Qərbi Avropaya doğru yol alırlar.
Yanvardan bəri Türkiyədən Yunanıstana keçməyə çalışan 2800 nəfər həlak olub.