►Məhkəmənin nə vaxt davam edəcəyi bilinmir
Bakı Ağır Cinayətlər Məhkəməsində həbsdə olan jurnalist Rauf Mirqədirovun məhkəməsi davam etdirilib.
Jurnalist dekabrın 25-də keçirilən qapalı prosesdə son söz deyib, ittihamı rədd edib və məhkəmədən bəraət hökmü çıxarılmasını istəyib.
Məhkəmə qeyri-müəyyən müddətədək təxirə salınıb.
Bu barədə onun vəkili Fuad Ağayev məlumat verir.
Vəkil Fuad Ağayevin sözlərinə görə, jurnalist son sözündə deyib:
“Hətta bəraət hökmü çıxarılsa belə, bu, qismən ədalət olacaq, tam ədalətin zəfəri sayıla bilməz.. Həbsdə olduğum iyirmi ayı, bu müddətdə yaza bilmədiyim məqalələri kimsə qaytara, ödəyə bilməz. Bunları nəzərə alanda, heç olmasa, bəraət hölmü çıxarılsın".
Məhkəmə hökmünün vaxtı barədə gələn həftə məlumat verəcək.
Vəkil Fuad Ağayev bildirir ki, o, müdafiə çıxışında bəraət üçün əsasları sadalayıb.
Rauf Mirqədirov ötən il aprelin 19-da Türkiyədə saxlanılaraq Azərbaycana deportasiya olunub. Jurnalist Cinayət Məcəlləsinin 274-cü maddəsi ilə dövlətə xəyanətdə ittiham olunur.
Özü ittihamı rədd edir və həbsinin siyasi baxışları, jurnalist fəaliyyəti ilə bağlı olduğunu bildirir.
Prokuror bundan əvvəlki prosesdə Raif Mirqədirova 7 il həbs cəzası istəyib.
Rauf Mirqədirov ötən ilin aprelin 19-da Türkiyədən Azərbaycan deportasiya olunub və dərhal da həbs edilib.
O dövlətə xəyanətdə kittiham olunur.
Rauf Mirqədirov ittihamı rədd edir və həbsinin fəaliyyəti ilə bağlı olduğunu deyir.
Hüquq müdafiəçiləri onu siyasi məhbus kimi tanıyır.
Azərbaycan hakimiyyəti isə ölkədə siyasi və ya vicdan məhbusu olmadığını deyir.
Sizin brauzer HTML5-i dəstəkləmir
«Məntiqlə, Rauf Mirqədirov azad olunmalıdır»