-
Aprelin 4-də Tərtər rayonunun atəşə tutulması nəticəsində Düyərli kənd sakinləri Etibar Quliyevin və Vüqar Ağayevin həyətinə mərmilər düşdüyü bildirilir. Nəticədə iki nəfərin yaralandığı deyilir.
AZƏRTAC-ın xəbərinə görə, mərmi düşən evə ciddi ziyan dəyib. Müxtəlif bədən xəsarətləri alan kənd sakinləri – 32 yaşlı Mehparə Əliyeva və 40 yaşlı Kəmalə Ağayeva Tərtər xəstəxanasına yerləşdiriliblər. Yaralıların vəziyyətinin orta ağır olduğu bildirilir.
Tərtərin icra başçı və Müdafiə Nazirliyinin nümayəndələri yaralılara baş çəkiblər.
Aprelin 1-dən 2-nə keçən gecə cəbhə xəttində atəşkəsin pozulmasından üzü bəri Azərbaycan tərəfdən 3 mülkü şəxsin öldüyü, 15-ə yaxın sakinin yaralandığı bildirilir.