Bakı Apellyasiya Məhkəməsi «Turan» İnformasiya Agentliyinin direktoru Mehman Əliyevin həbsindən verilən şikayəti icraata qəbul edib.
Bu haqda onun vəkili Fuad Ağayev bildirib.
Apellyasiya şikayətinə avqustun 30-da baxılacaq.
Buna da bax: Müdafiə tərəfi Mehman Əliyevə ittihamlara yazılı cavab verdi
Apellyasiya şikayəti Yasamal Rayon Məhkəməsinin M.Əliyevin noyabr ayının 7-dək həbsdə saxlanmasını nəzərdə tutan qərarından verilib. Şikayətdə M.Əliyevə ittihamların əsassız olduğu, Yasamal Rayon Məhkəməsinin qərarının ləğv edilməsi, onun azadlığa buraxılması istənilir.
Avqustun 25-i Yasamal Rayon Məhkəməsinin qərarı ilə «Turan» İnformasiya Agentliyinin direktoru M.Əliyev haqqında noyabrın 7-nə kimi həbs-qətimkan tədbiri seçilib. Ona Cinayət Məcəlləsinin 213.1 (vergi ödənişindən yayınma), 308.1 (vəzifə səlahiyyətlərindən sui-istifadə) və 192.2 (qanunsuz sahibkarlıq) maddələri ilə ittiham irəli sürülüb.
Vergilər nazirliyi avqustun 8-də «Turan» Agentliyinin fəaliyyətinin səyyar vergi yoxlamasına başlayıb. Nazirlik iddia edir ki, 60 min manat vergidən yayındırılıb. M.Hüseynov ittihamları qəbul etmir.
Buna da bax: Əkrəm Əylisli: 'Ziyalı hardadır ki, sən ziyalı axtarırsan?!'
Avqustun 17-də isə artıq, agentlikdən son 7 ilin sənədlərinin istənildiyi bildirilib. Üstəlik, agentliyin bütün bank hesabları dondurulub.
«Turan» İnformasiya Agentliyinin kollektivi bəyan edib ki, sentyabrın 1-dən fəaliyyətlərini qeyri-müəyyən bir vaxta kimi dayandırmaq məcburiyyətindədirlər.