«Made in Azerbaijan» brendinin təşviqi məqsədilə növbəti ixrac missiyası dekabrın 3-də Birləşmiş Ərəb Əmirliyinin (BƏƏ) Dubay şəhərinə gedəcək.
Bu barədə İqtisadiyyat Nazirliyi açıqlama yayıb.
«Meyvə-tərəvəz istehsalçıları dekabrın 5-dən 7-ə kimi Yaxın Şərq ölkələrinin ən iri meyvə-tərəvəz sərgisi olan «WOP Dubai»da da iştirak edəcəklər. Azərbaycan məhsullarının da nümayiş olunacağı sərgi çərçivəsində seminar və ikitərəfli görüşlər təşkil ediləcək», -açıqlamada bildirilir.
İxrac missiyasında meyvə şirələri, təbii mineral sular, meyvə-tərəvəz məhsulları, quru meyvə, konservləşdirilmiş məhsullar, ət , bal, çay, süd və süd məhsullarının istehsalı sahəsində fəaliyyət göstərən 20 şirkətin iştirak edəcəyi bildirilir.