Avqustun 6-da Apellyasiya Məhkəməsi sabiq millət vəkili Hüseyn Abdullayevin şikayətini təmin etməyib. Hüseyn Abdullayev Səbayil Rayon Məhkəməsinin onun barəsində çıxardığı iki il şərti azadlıqdan məhrumetmə cəzasının ləğvini, bəraət almasını və millət vəkili mandatının bərpasını istəyib.
Hüseyn Abdullayevin vəkili Cavanşir Süleymanov qərarla razılaşmadıqlarını və Ali Məhkəməyə müraciət edəcəklərini bildirib.
Bu ilin mart ayında Hüseyn Abdullayev Milli Məclisdə deputat həmkarı Fəzail Ağamalıyla əlbəyaxa olmuşdu. Nəticədə deputat mandatından məhrum edilərək barəsində həbs edilmişdi.