Sevgiladə Quliyevanın axtarışda olması barədə elan bir həftə əvvəl BŞBPİ-nin binası qarşındakı lövhədə aşkarlanmışdı. Həmin vaxt Daxili İşlər Nazirliyinin əməkdaşı Ehsan Zahidov demişdi ki, məlumat diqqətsizlik üzündən lövhədə qalıb.
Ancaq axtarış barədə elan BŞBPİ-nin 2008-ci ildə yaradılan rəsmi internet saytında hələ də qalır.
Ehsan Zahidov bu dəfə də məsələni diqqətsizliklə əlaqələndirdi: «Bu elan həmin sahəyə baxan adamın diqqətsizliyi üzündən qalıb, yəqin ki, yaxın günlərdə saytdan yığışdırılacaq».
«Azadlıq» qəzetinin baş redaktoru Qənimət Zahid Sevgiladə Quliyevanın iddiası əsasında bu ilin martında 4 il müddətinə azadlıqdan məhrum edilib. İttihama görə, o, xuliqanlıq edib, küçədə Sevgiladə Quliyevaya sataşıb.
Jurnalistin vəkilləri bu işi qurama və siyasi sifariş hesab edirlər.