Avropa İttifaqının (Aİ) miqrasiyaya cavabdeh nazirləri noyabrın 25-də Brüsseldə bir araya gələcəklər. Onlar blok ərazisinə miqrant axınındakı artımı müzakirə edəcəklər.
Bu il İtaliyaya Aralıq dənizi ərazisindən keçməklə 94 mindən çox miqrant üz tutub. Ötən il bu rəqəm 67 mindən yuxarı idi. Məlumatı Beynəlxalq Miqrasiya Təşkilatı yayıb.
Xorvatiyaya isə bu il 24 minədək miqrantın getdiyi bildirilir. 2021-ci ildə onların sayı 17 mindən çox idi.
Buna da bax: Dünya əhalisi 8 milyardı keçdiBu ilin iyununadək Böyük Britaniyaya təmiz miqrasiya rekord həddə – 504 minə çatıb. Özəlliklə qeyri-Aİ ölkələrindən gedənlərin sayının artdığı bildirilir.
Milli Statistika İdarəsinin məlumatına görə, COVID-19 pandemiyasından sonra səyahətin bərpası üstəgəl pandemiya dövründə məsafədən təhsil alan beynəlxalq tələbələrin axını miqrasiya sayını yüksəldib.
Buna da bax: Rusiyadan gedən miqrantların sayı da rekorda çatıbÜmumilikdə bu müddət ərzində 1.1 milyon uzunmüddətli immiqrant Britaniyaya gedib ki, bu da bir il öncəylə müqayisədə 435 min nəfər çoxdur.
Beynəlxalq Miqrasiya üzrə ONS Mərkəzinin direktoru Jey Lindop (Jay Lindop) “Reuters”ə deyib ki, bu ilin iyununadək 12 ay ərzində bir sıra beynəlxalq tədbirlər də miqrasiyaya təsirini göstərib: “Ümumilikdə, bu tendensiyalar misilsiz olub”.