BMT-nin QİÇS-lə mübarizə proqramının başçısı deyir ki, QİÇS (qazanılmış immun çatışmazlığı sindromu) xəstəliyini törədən insanda immunçatışmazlığı virusunun (İİV) 2030-cu ilədək aradan qaldırılacağına nikbin yanaşır.
40 ölkədə ölüm halları 90 faiz azala bilər
UNAIDS hökumətlərdən xahiş edir ki, adamların xidmətlərə çıxışını kəsən bərabərsizliklərə diqqət ayırsınlar. Bunu agentliyin İcraçı Direktoru Uinni Byanyima deyib.
Buna da bax: Koronavirusla mübarizədə QİÇS-dən nəyi öyrənməli
“Onlar daha çox risk altında olan qruplar üçün boşluqları aradan qaldıra bilsələr, 2030-cu ilədək AIDS-ə son qoya bilərik”, – o vurğulayıb.
2030-cu iləcən azı 40 ölkə QİÇS-lə bağlı ölüm hallarında 90 faiz azalmaya nail ola biləcəklər. Onlardan doqquzu şərqi və cənubi Afrika ölkələridir, UNAİDS bildirib.
Buna da bax: Xəbərdarlıq: Koronavirus QİÇS təhlükəsini artırır
37 milyon nəfərin üçdə ikisi...
BMT-nin İİV və QİÇS üzrə birgə agentliyinin məlumatına görə, dünyada 37.6 milyon nəfərdə İİV var və onlardan üçdə ikisi müalicə alır.
ABŞ-ın Xəstəliklərə Nəzarət və Qarşısının Alınması Mərkəzləri (CDC) 40 il öncə, 1981-ci il iyunun 5-də sirli immun çatışmazlığı xəstəliyi haqda məlumat verib. O vaxtdan QİÇS-in səbəb olduğu ağırlaşmalardan 35 milyonadək insan həlak olub.
Buna da bax: Koronavirus uşaq hüquqlarını, digər xəstəlikləri 'yeyir' – Qərb mediası
Byanyima COVID-19 pandemiyası ilə mübarizədə göstərilmiş siyasi iradəni QİÇS-lə mübarizəyə də tətbiq etməyə çağırıb, bunu “tamamlanmamış iş” adlandırıb.
Gələn həftə Nyu Yorkda keçiriləcək QİÇS sammitində BMT ianələrlə bağlı yeni müraciətlə çıxış edəcək. UNAIDS ildə 29 milyard dollar sərmayə gərəkdiyini bildirir.