İran ölkədə çox məşhur olan WhatsApp və Instagram proqramlarını həmişəlik bloklamaqla hədələyir.
Məlumatda bildirilir ki, Tehranın belə bir addım atmaq istəməsinə səbəb dekabrın əvvəlində ABŞ-ın “Meta” internet şirkətinə ölkədə nümayəndəlik açmasını və təlimatlarını İslam Respublikasına uyğunlaşdırmasını tələb edən məktubuna indiyədək cavab almamasıdır.
Buna da bax: İranlı siyasi məhbus BMT-yə səs mesajı göndəribİran Milli Kiber Mərkəzin rəhbəri Abolhassan Firouzabadi dekabrın 17-də mətbuata açıqlamasında : "Əgər Meta məktubumuza cavab verməsə, bu, daimi bloklamanın proloqu ola bilər"
İranda etirazlar sentyabrın ortalarında polis tərəfindən həbs edilən 22 yaşlı Məhsa Aminin xəstəxanada ölümündən başlanıb. Gənc qadının guya hicabı düzgün bağlamadığına görə əxlaq polisi tərəfindən saxlandığı bildirilir.
Buna da bax: İran BMT-nin qadın haqları komissiyasından çıxarılırHələdə davam edən etirazlarda 500-dək insanın öldürüldüyü, yüzlərlə yaralının olduğu bildirilir. İran ədliyyəsi etirazlarla əlaqədar 11 ölüm hökmü çıxardığını, iki edamın icra olunduğunu bildirib.
Sosial mediada yayılan məlumatlara görə, aksiyalar İranın neftlə zəngin cənub bölgələri olan Mahşəhr, Əhvaz və digər yerlərdə qeydə alınıb. Dekabrın 17-də başlayan etirazlarda əsas tələblər maaşların artırılması və digər güzəştlərin verilməsi ilə bağlıdır.