Qazaxıstanın ən böyük şəhəri Almatıda polis Rusiya prezidenti Vladimir Putinin ölkəyə səfərlərinə açıq şəkildə qarşı çıxan fəalı saxlayıb.
Putin hazırda Qazaxıstan paytaxtı Astanada keçirilən ikigünlük sammitdə iştirak edir.
Vera Jarılqasımova AzadlıqRadiosuna deyib ki, onu əri Rafiq Jarılqasımov oktyabrın 13-də mülki geyimlilər tərəfindən saxlanıb.
Buna da bax: Rusiyanın KTMT klubundan narazılarOnlar hüquq-mühafizə orqanlarının nümayəndəsi olduqlarını göstərən heç bir sənəd təqdim etməyiblər:
"Rafiq mənə zəng edib dedi ki, mülki geyimli şəxslər onu Bostandıq rayon polis şöbəsinə aparırlar. Bu anda telefon xətti kəsildi. Bundan sonra Rafiqdən heç bir xəbər yoxdur”.
Buna da bax: Qazaxıstanda Putinin səfərinə etiraz edirlər
Putini “terrorçu” adlandırmışdı
Vera Jarılqasımova inandığını bildirib ki, onun ərinin saxlanması onun bu yaxınlarda Putinin ölkəyə səfərinə etiraz üçün Almatıda aksiya keçirilməsinə çağırış etməsi ilə bağlıdır.
Saxlanmazdan bir gün əvvəl Jarılqasımov Facebook-da ölkə rəsmilərini Putinin Qazaxıstana səfərlərini qadağan etməyə çağıran video yerləşdirmişdi.
Buna da bax: AŞPA Rusiya rejimini terrorçu kimi tanıyan qətnamə qəbul edibO həmin videoda Putini Ukraynaya qarşı təcavüzünə görə “terrorçu” adlandırırdı:
"Mən hamını oktyabrın 15-də Qazaxıstan şəhərlərinin mərkəzi meydanlarında etiraz aksiyalarına çağırıram”.
Jarılqasımov habelə polisi “xalqın tərəfinə keçməyə” çağırmışdı.
AzadlıqRadiosu bildirir ki, internetdə çox sayda istifadəçi Putinin Qazaxıstana səfərinə etiraz bildirib.