Qazaxıstan prezidenti Qasım-Jomart Toqayev Türkmənistana səfəri zamanı bu ölkənin prezidenti ilə ikitərəfli bağları, regional təhlükəsizliyi və sərhədin delimitasiyasını müzakirə etdiyini deyib.
Bu danışıqlar oktyabrın 25-də Toqayevin Aşqabada səfərinin ikinci və sonuncu günündə keçirilib.
Görüşdən sonra danışan Toqayev bildirib o Türkmənistan tərəfi ilə iki ölkə arasındakı quru sərhədinin delimitasiyası və Xəzər dənizindəki balıqçılıq zonaları sərhədinə dair bir sıra “mühüm sənədlər” imzalayıb.
İki ölkə arasında 495 kilometrlik dövlət sərhədi var. Qazaxıstan və Türkmənistan demarkasiya və delimitasiya haqqında müqaviləni 2001-ci ildə bağlayıblar.
Toqayev bunu da qeyd edib ki, iki ölkə arasında ticari və iqtisadi əməkdaşlığın inkişaf etdirilməsi üçün böyük potensial var.
Qazaxıstan prezidenti vurğulayıb ki, onun türkmən həmkarı Qurbanqulı Berdımuxammedov Əfqanıstandakı vəziyyət barədə “müfəssəl” məlumat verib.
Türkmənistan prezidenti bildirib ki, “uzun müddətdir iztirab çəkən Əfqanıstanla” regional təhlükəsizliyin gücləndirilməsi naminə əməkdaşlıq edilməlidir.