Bu gün, mayın 28-də Azərbaycan Xalq Cümhuriyyətinin (XC) yaranmasından 101 il ötür.
Xalq Cümhuriyyətinin paytaxtı əvvəlcə Tbilisi, daha sonra Gəncə olub. 1918-ci il sentyabrın 15-də Bakı Sentrokaspi Diktaturasından azad edildikdən sonra Xalq Cümhuriyyətinin paytaxtı ora köçürülüb.
Bu dövlət Şərq ölkələri arasında ilk dəfə qadınlara səsvermə hüququ tanıyıb.
1918-ci il noyabrın 9-da onun üçrəngli bayrağı qəbul edilib. Məhz XC dövründə Azərbaycanda ilk ali məktəb açılıb.
23 aylıq fəaliyyətdən sonra 1920-ci il aprelin 27-də Rusiyanın silahlı müdaxiləsi ilə süqut edib.
1991-ci il noyabrın 18-də Azərbaycan öz müstəqilliyini yenidən bəyan edib. Həmin vaxt Azərbaycan Respublikası Xalq Cümhuriyyətinin varisi elan edilib.
1992-ci ildən Azərbaycanda mayın 28-i Respublika Günü kimi qeyd edilir.
Bakıda Azərbaycan Xalq Cümhuriyyətinin şərəfinə İstiqlal abidəsi ucaldılıb.
Sizin brauzer HTML5-i dəstəkləmir
Cəmil Həsənli: “Cümhuriyyəti Ermənistana torpaq verməkdə qınamaq acizlikdən irəli gəlir”