| Oktyabrın 3-də Xaçmaz sakinlərindən ibarət 50-yə yaxın sürücü Bakı-Xaçmaz yolunu bağlamağa cəhd göstərib. Sürücülər Nəqliyyat Nazirliyi yolların mühafizə xidmətinin əməkdaşlarının paytaxt Bakıdan Xaçmaza daş daşıyan sürücülərə qarşı hərəkətlərinə etirazlarını bildiriblər. Onlar həmin yolda döyülərək həbsə atılmış «Kamaz» sürücüsü Mehman Əmirquliyevin azad olunmasını, onu döymüş Nəqliyyat Nazirliyi əməkdaşlarının isə cəzalandırılmasını tələb ediblər. Polis aksiyanın qarşısını alsa da, sürücülər tədbiri Xaçmaz şəhərindəki daş karxanasında davam etdiriblər. Aksiyada çıxış edənlər bildiriblər ki, Bakının daş karxanalarından sənədləşdirilmiş qaydada aldıqları daşı Xaçmaza gətirə bilmirlər. Nəqliyyat Nazirliyinin əməkdaşları Bakı-Xaçmaz yolunda sürücüləri saxlayaraq onlardan qeyri-qanuni pul tələb edirlər. Pul vermək istəməyən sürücülərin maşınlarının dövlət-nömrə nişanlarını açırlar. Sürücülər Nəqliyyat Nazirliyi əməkdaşlarının qanunsuz əməllərinə son qoyulması tələbilə prezidentə müraciət qəbul etdikdən sonra dağılışıblar. |
Sürücülər Bakı-Xaçmaz yolunu bağlamağa cəhd göstəriblər
Buna da bax:
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
Ətraflı məlumat üçün bura klikləyin.
Azadlıq Trend
1