-
ALATORAN
Həqiqətlər tük ürpədir
Yalanlar könül açıb,
ümüd bağlayırlar heçə.
İndiki zamanın tərs üzünə çevrilmiş
rəngsiz yuxularım dindirir məni hər gecə.
Uşaqlıq xatirələrimdi
qorxa-qorxa o qaranlıq otağın küncünə
qısılıb ağlayan.
Uşaqlıqda qorxardım qaranlıqlardan
İndi qaranlıqda
qaranlığı görə bilmədiyim üçün qorxuram.
Hər gözlərimi yumanda
nəfsimin çəkdiyi o rəsmlə qarşılaşıram.
Nə qədər istəsəm belə o an,
Səssizliyimin səsinə toxuna bilmirəm.
Bacarmıram,
Yaza da bilmirəm artıq.
Tir-tir titrəyən qələmin canı əlimdən qurtulub,
Onsuz da pəltək şeirimin
Qorxudan dili tutulub.
ALATORAN
Həqiqətlər tük ürpədir
Yalanlar könül açıb,
ümüd bağlayırlar heçə.
İndiki zamanın tərs üzünə çevrilmiş
rəngsiz yuxularım dindirir məni hər gecə.
Uşaqlıq xatirələrimdi
qorxa-qorxa o qaranlıq otağın küncünə
qısılıb ağlayan.
Uşaqlıqda qorxardım qaranlıqlardan
İndi qaranlıqda
qaranlığı görə bilmədiyim üçün qorxuram.
Hər gözlərimi yumanda
nəfsimin çəkdiyi o rəsmlə qarşılaşıram.
Nə qədər istəsəm belə o an,
Səssizliyimin səsinə toxuna bilmirəm.
Bacarmıram,
Yaza da bilmirəm artıq.
Tir-tir titrəyən qələmin canı əlimdən qurtulub,
Onsuz da pəltək şeirimin
Qorxudan dili tutulub.
