Tofiq Abdin. …və sıralarmızdakıların ölümü

-

…və sıralarmızdakıların ölümü


o ne önde
ne arkada
sırada
sıranızdaydı…
Ve yanındakının kanlı başı
omuzuna egilince
ona sıra gelince
sayısını saydı…
Nazım Hikmet

gedirsiniz…
kiminizi ürək çökdürür
bir arkadaşın düyün sonrası
bu bəlkə alın yazısı
kiminizi
təzə bir ölüm tərcihi
bir polis zopası
gedirsiniz…
bu dünyayla tənha buraxıb məni
gedirsiniz…
sizsiz mənim ölümüm
yaraşıqsız olacaq
sizi araya-araya
qapalı gözlərim açıq qalacaq
inanmıram
birinizi tapa bilim
o dünya məkanında
üzümə açılan qapılar
bağlanacaq
ömrün laməkan qapqara dumanında
yuxuları rahatsız edəcəm
ayılanda
gözlərinizdən
qərib-qərib çəkilib gedəcəm
yenidən yuxulara qayıtmağa
qayıdıramsa
demək ki, varam
bu da bir yalan ki
sağam ona görə uydururam…