-
İyunun 7-də prezident İlham Əliyev Dənizkənarı Milli Parkdakı “Sadko” limanında “Bakı-2015”in məşəlini qəbul etdi
Məşəli Neft Daşlarından Bakıya gətirən kater limana yan alıb. Məşəli prezidentə neftçi Nahid Nuriyev təqdim edib.
Prezident.az-ın xəbərinə görə, İlham Əliyev məşəllə Dənizkənarı Milli Parkda irəliləyib. Ora toplaşanlar “Yaşasın Azərbaycan!”, “Prezident İlham Əliyevə eşq olsun!”, “Birinci Avropa Oyunlarına uğurlar!” kimi şüarlarla prezidenti alqışlayıblar.
Prezident məşəlini Böyük Vətən Müharibəsi veteranı Fatma Səttarovaya təqdim edib.
Bununla da birinci Avropa Oyunlarının məşəlinin Bakı estafeti başlamış sayılır.
İlk Avropa Oyunlarının məşəli aprelin 26-dən Azərbaycanın hər bir guşəsini gəzib, yenidən bu gün Bakıya çatıb.
Avropa Oyunlarının açılışı iyunun 12-dədir.
