"La-La Lend" müzikli Britaniya kino və televiziya sənətləri akademiyasının (BAFTA) "Ən yaxşı film" nominasiyası üzrə mükafatını qazanıb. Bundan əvvəl film Amerika Kinoakademiyasının "Oscar" mükafatına da 14 nominasiyada namizəd olmuşdu
Film Britaniya kinotəqaüdünün daha dörd nominasiyada mükafatını alıb.
Londondakı Royal Albert Hallda baş tutan mükafatlandırma mərasimində filmin rejissoru Damien Chazelle "Ən yaxşı rejissor" mükafatına, baş rol ifaçısı Ryan Gosling və Emma Stone isə "Ən yaxşı aktyor" mükafatlarına layiq görülüblər. Bundan başqa film kinematoqrafiya və bəstəkar işinə görə də mükafata layiq görülüb. Ümumilikdə filmin Britaniya kinoakademiyasında 11 nominasiya üzrə mübarizə aparırdı. Bu il "BAFTA" mükafatının təqdimetmə mərasimini ingilis yazıçısı və aktyoru Stiven Fray aparıb.
Buna da bax: 'La La Land' rekordları qırıb – 7 mükafat alıb
Xatırladaq ki, "BAFTA" mükafatı hər il kinematoqrafiya, televiziya sənəti, kompyuter oyunları və uşaqlar üçün sənət növləri üzrə verilir. 2016-cı ildə həmin mükafat beş nominasiya üzrə Alexandro İannaritunun çəkdiyi Leonardo Di Caprionun baş rolunda oynadığı "Sağ qalan" filminə verilib.
